தனி ஒருவன் படத்தின் வெற்றி ஜெயம் ரவியை பிஸியான மாஸ் ஹீரோவாக்கியிருக்கிறது.

ஜெயம் ரவியை வைத்து படம் செய்ய நான் நீ என்று போட்டி போடுகிறார்கள்.

லக்ஷ்மண் இயக்கத்தில் போகன் படத்தில் நடித்து வருகிறவர் அடுத்து ஏ.எல்.விஜய் இயக்கத்தில் நடிக்க உள்ளார்.

ஏ.எல்.விஜய் தற்போது பிரபுதேவா, தமன்னா நடிக்கும் காந்தா படத்தை இயக்கி வருகிறார்.

ஏ.எல்.விஜய் தவிர்த்து சக்தி சௌந்தர்ராஜன், சுசீந்திரன், மோகன் ராஜா, கௌதம் என மேலும் பல இயக்குனர்களின் படங்களில் இந்த வருடம் நடிக்க உள்ளார் ஜெயம்ரவி.

சோனாக்ஷி சின்கா நடிக்க வந்து சில வருடங்களே ஆகின்றன. 25 - ஐ தொடவில்லை அவரது படங்களின் எண்ணிக்கை.

அதில் ஐந்து படங்கள் ஒரே நடிகருடன் நடித்தது என்பதை நம்ப முடிகிறதா?

ரவுடி ரத்தோர், ஹாலிடே, பாஸ், ஜோக்கர், ஒன்ஸ் அபான் ஏ டைம் இன் மும்பை டோபாரா என ஐந்து படங்களில் சோனாக்ஷியும், அக்ஷய் குமாரும் இணைந்து நடித்துள்ளனர். ஆறாவது முறையாக இந்த ஜோடி மீண்டும் இணைகிறது.

முழுக்க காதல் கதையான இதனை விபுல் அம்ருத்லால் ஷா இயக்குகிறார். அக்ஷய், சோனாக்ஷியுடன் கத்ரினா, ரிஷி கபூர், உபேன் படேல் ஆகியோரும் நடிக்கின்றனர். படத்துக்கு, நமஸ்தே லண்டன் என பெயர் வைத்துள்ளனர்.

ஐம்பது பிளஸ்ஸில் கிழடுதட்டிப்போன அக்ஷயை வைத்து காதல் படமா? கேட்கிறப்பவே கண்ணை கட்டுதே.